أمس كان ليا شرف حضور حفلة رائعة بكل معنى الكلمة لبنك الرياض. الحفلة صراحة كانت الأول من نوعها، كل شي فيها كان ممتع و مميز و رائع، كان إحساس المشي على البساط الأحمر في هوليوود هههههه "داخة جو أدري"
الحفلة كانت بمناسبة إطلاق بطاقة الماستر كارد التيتانيوم الحمراء للسيدات، و هيا بطا مميزة بتفاصيلها مثل إعفاء من الرسوم السنوية إذا تم الشراء بمبلغ 4800 ريال بالبطاقة (يعني تروح في شنطة يا بنات من مركز الخياط) ههههههههه و ممكن تسحبوا كاش لحد 50% من حد البطاقة. أكتر ميزتين عجبتني و بافكر جديا أجيب البطاقة لنفسي موضوع التخفيضات لبعض المحلات المعروفة و اللي كانت من الرعاة في الحفلة و هما (منش، لا سبوسا، زهرة الربيع للحفلات و الأعراس، أورا للأثاث، بانوراما المرأة) و الشي التاني أقدر أدخل بالبطاقة في صالات كبار الزوار في دبي و القاهرة و الكويت و الرياض و جدة و الدمام! اعرف بعضكم حيقول و إيش يعني... و الله لمن تلاقي المطار زحمة و في إنتظار حتتمنى تدخلوا هناك و يدلعوكم :)) ولا كيف؟
هادي صفحة بطاقة التيتانيوم للي يحب يعرف تفاصيل أكثر و هادي صفحة الفيسبوك لبنك الرياض عشان يستاهلوا أحلى "Like" على الحفلة الرائعة دي.
المهم. . . الحفلة كانت مولعة و ملتهبة زي لون البطاقة، صراحة انصدمت أول مادخلت ماكنت عارفة غذا دخلت القاعة الصح ولا زواج و السبب كان صوت الدي جي و الأغاني عالي مرة و حماس مررررررررة حسيت إنو لا دا مو بنك دا. . .. يعني انتو عارفين ههههههه
الحفلة بدأت قبل ما أوصل بشوية و دخلت على طول على عرض الأزياء. كانت الملابس المعروضة فساتين سهرات من محل "لا سبوسا" فساتين العرائس و السهرات، إضغطوا على الإسم عشان تشوفوا موقعهم. كان عرض الأزياء بحسب ماذكر بتنظيم شركة "يونيفيرسال ليجيندزUniversalLegends" و صراحة الشي دا فرحني مرة لأن الشركة دي حضرتلهم كذا مناسبة قبل كده و شغلهم ممتاز و مرتب جدا و العارضات كانوا ممتازين إضغطوا على الإسم عشان تشوفوا صفحتهم على الفيسبوك.
خلص عرض الأزياء و بداة قرقرة الحريم و فجأة دخلوا بنات على المنصة و بدأو رقص. . .
تخيلوا جايبين بنات هنديات يرقصوا رقص هندي على أصولوا و مرة صراحة الناس اتحمست معاهم و كان الموضوع فلة و أخدت صورة على الماشي كده خوفا من إنه أحد يتضايق من الموضوع
يعطيهم العافية اتخلوعوا خلوعة الين ما داخوا هههههه كان في أكتر من وصلة رقص خلال الليلة حمستنى.
كان في عرض لبعض المحلات اللي هما رعاة الحفلة مع بنك الرياض و كمان هما اللي عاملين عروض خاصة لأصحاب بطاقات التيتانيوم، الرعاة كانوا
أولا حبيب قلوب الجميع (منش -Munch)
منش كانوا بيوزعوا طبعا كب كيك للجميع و معاها قسيمة إذا قدمتوها للمحل تحصلوا على هدية من المحل.
و ممكن تحصلوا عليها ذا رحتوا للفيسبوك حقهم و عملتوا "Like" للصفحة صفحة منش على الفيسبوك
كان برضوا موجود محل زهرة الربيع للمناسبات و الأعراس و كان ركنهم رائع صراحة
و زهرة الربيع من المحلات إللي أحبها جدا لأن كل أفراحنا و مناسباتنا و حتى الورد المنزلي اليومي من عندهم فهما عشرة عمر زي مايقولوا. اضغطوا على الإسم عشان تشوفوا موقعه لليحب يعرف معلومات أكتر.
كان في ركن تاني جميل و مناسب للي حتتزوج قريب و بدها تفرش البيت، محل أورا للمفروشات الأنيقة و ذات تكلفة معقولة و تناسب الجميع و هادي صفحتهم على الفيسبوك للمعلومات Aura Living
كان في ركن لبانوراما المرأة و يتضمن سنبس صالون تجميل و هما إللي عملوا مكياج و شعر العارضات و شغلهم كان ممتاز، كمان معاهم نادي كيرفز الرياضي، و جلامر شوتس و عدد من العلامات التجارية المعروفة، للاسف ماقدرت اصور الركن لوجود الموظفات فيه.
هادي صور لعرض الأزياء التاني لفساتين أفراح كان هناك أكتر من ستة فساتين بعضها كان رائع و بعضها كان نفسي اعرف المصمم كان بيفكر في إيش بالضبط!
من العروض الجميلة إللي ابهرنا بيها بنك الرياض عرض فن الرسم بالرمل لفنان فرنسي إسمو صعب ههههههههههه
العرض كان يحكي قصة سيدة بطاقة التيتانيوم و إستمتاع السيدة بمميزات البطاقة زي السفر و الجلسات التدليل و المساج و خصومات المطاعم و غيرها. للاسف ماقدرت اخد كل الصور لأن الرسم كان سريع لكن و هادي بعض صور
في نهاية الحفل قدمولنا عشاء إللي حضر منتدى التنافسية يسير مافاتوا شي ههههههههههههه نفس الأكل لكن كان كويس و مزبوط.
و هادا كان أحد الأطباق اللذيذة لكن مافهمتها صراحة هههههههههههههههههه
يعطيهم العافية المنظمات نورة حثلين و خولة الفوزان على كل اللي عملوه و تعبهم في التنسيق و الترتيب و الحفلة الملتهبة و الرهيييييييييييييبة بجد و هبل آخر الليل هههههههههههههه حيضربوني بس يقرأوها هههههههههه
أتمنى يكون عرض الحفلة عجبكم :)
تحياتي
ليست هناك تعليقات:
إرسال تعليق